“Bumi” i ndërtimit, rritje e lartë e importeve të çimentos dhe hekurit nga Porti i Durrësit

18/01/2021 - 07:50

Porti i Durrësit në të cilin përpunohet 90 për qind e tregtisë së mallrave në vend pa një rritje jo të zakontë te importeve të materialeve të ndërtimit vitin e kaluar.

Rritja e importeve të materialeve po vjen si pasojë e kërkesës së brendshme, e nxitur nga ndërtimet e reja në kryeqytet dhe investimet në zonat e dëmtuara nga tërmeti i 26 nëntorit 2020.

Sipas të dhënave zyrtare, nga Porti i Durrësit në vitin e kaluar importet e çimentos janë rritur me 60 për qind gjatë 11 mujorit.

Në janar -nëntor 2020 u shkarkuan në Portin e Durrësit 160 mijë tonë çimento nga 100 mijë tonë vitin e kaluar.

Rritja e importeve ka qenë edhe më e lartë për hekurin. Gjatë 11 mujorit 2020 janë importuar gjithsej 88 mijë tonë hekur me një rritje 300% në raport me një vit më parë.

“Investimet e rëndësishme që qeveria shqiptare ka realizuar në infrastrukturë, janë pasqyruar edhe në rritjen e mallrave të ndërtimit, të cilat janë përpunuar në Portin e Durrësit gjatë 11 muajve të 2020-ës, e krahasuar kjo me të njëjtën periudhë të 2019-ës.  Sasia e materialeve të ndërtimit që kanë mbërritur me anije tregtare në portin e Durrësit është më e lartë se sa ajo e vitit të kaluar” thuhet në deklaratën zyrtare të Portit.

Nga të dhënat zyrtare të APD-së, mësohet se importet e materialeve të ndërtimit në 11 muaj kanë pasur rritje, veçanërisht në zërat e çimentos dhe hekurit, por rritja është vënë re për të gjitha materialet e ndërtimit.

Nga statistikat 11-mujore 2020 mësohet se janë importuar 66 mijë tonë melaminë dhe 86 mijë tonë profile, tuba dhe prokate, si dhe 33 mijë tonë xhamat.

I njëjti trend duket edhe për vitin 2021. Me datën 13 janar 2021 në portin e Durrësit po përpunoheshin 10 anije, nga të cilat 7 ishin me materiale ndërtimi. Nga 10 anijet në proces shkarkimi 2 ishin të ngarkuara me çimento, dy me hekur, një me melaminë, një me xhama dhe një me profile dhe llamarina. Tre anijet e tjera, një ishte e ngarkuar me grurë, një me kontinierë dhe një me bërsi soje. Këto të fundit përdoren si ushqime për kafshët nga fermat blegtorale.

Shqipëria vijon të importojë materiale ndërtimi edhe pse prej vitesh në vendin tonë ka disa fabrika të prodhimit të çimentos, teksa kompania turke “Kurum” prej vitesh prodhon hekur në ish kombinatin metarlugjik në Elbasan.

Gjatë këtyre 11 muajve 2020 në portin më të madh të vendit, janë përpunuar afro 3,6 milionë tonë mallra të ndryshme gjithsej.

/MONITOR

/portali DurresLajm/

Na bëni like në facebook!: 

Lajme nga e njëjta kategori

Banorët e zonës së ish-Kënetës, në Bashkinë e Durrësit, për herë të parë janë bashkuar për të kërkuar zgjidhje për problemin e ndriçimit,

Vijojnë të jenë të ulëta shifrat e infektimeve ditore nga Covid në vend.

Sindikata e Punonjësve të Shërbimit Shëndetësor do të zhvillojë ditën e nesërme një protestë kundër arrestimit dhe caktimit të masës “arr

Këtë të mërkurë, efektivët e patrullës së Forcës së Sigurisë Portuale kanë konstatuar dhe hequr nga kanali hyrës në port një objekt të ma

Kuvendi ka miratuar në seancën plenare të ditës së sotme kreun e Autoritetit të Mediave Audiovizive.

Kryetari i Bashkisë Lushnje, Fatos Tushe është shkarkuar ditën e sotme nga detyra, pasi u arrestua me urdhër të SPAK për korrupsion.

Kryetarja e bashkisë së Durrësit, Emiriana Sako nëpërmjet një postimi në "Facebook" shkrua se po vijon puna për mirëmbajtjen e infrastruk

Nga foltorja e Kuvendit, ministrja e Shëndetësisë, Ogerta Manastirliu ka bërë të ditur se në botë po qarkullon edhe një variant i ri i Co

Instituti i Shëndetit Publik ka hedhur posht lajmin se në qarkun e Gjirokastrës janë identifikuar dy raste me variantin Delta.

Komisioni i Pavarur i Kualifikimit ka shkarkuar sot nga detyra edhe prokurorin e Prokurorisë pranë Gjykatës së Rrethit Gjyqësor Vlorë, Sa