"Ngjyrat e shpirtit", artistët e vegjël të shkollës "Mihal Ekonomi" surprizojnë me punimet e tyre (VIDEO)

25/06/2021 - 18:52

Në fund të vitit shkollor, institucioni jo publik arsimor “Mihal Ekonomi” nuk kishte si të kurorëzonte më bukur angazhimin e mësuesve dhe nxënësve, sesa me një ekspozitë pikture, të titulluar “Ngjyrat e shpirtit”. Dhe vërtet, ashtu siç është bota e të miturve dhe adoleshentëve plot ngjyra të ndezura dhe shkëlqim, ashtu ishin dhe dhjetëra tablotë e ekspozuara në galerinë e artit pamor “Nikolet Vasia”. Mësuesja e artit Edmonda Rotani Çeçi na tregon më shumë për punën e artistëve të vegjël. 

Për vogëlushen Amber Prodani, përkushtimi për pikturën sapo ka nisur. Brenda një viti ajo ka realizuar rreth 30 vizatime e tablo, ku personazhet e filmave vizatimorë duket se janë ndër më të preferuarit. 

Ines Llaçi sapo ka përfunduar maturën dhe është ende në dilemë për shkollën e lartë. 13 tablotë e saj janë ndër punimet më të realizuara në ekspozitë dhe duket se 18-vjeçarja punon plot pasion në telajo. 

Drejtoresha e shkollës, Elsa Ekonomi, flet e entuziazmuar për angazhimin e nxënësve dhe talentin e shprehur prej shumë prej tyre në botën e artit. 

Përveç prindërve dhe stafit pedagogjik, punimet e artistëve të vegjël të shkollës “Mihal Ekonomi” u vlerësuan me nota shumë pozitive nga çifti i piktorëve të njohur Agim dhe Xheneta Kadillari. Ata kishin udhëtuar nga Shkodra për të parë nga afër këtë ekspozitë. 

I gjithë muaji qershor, në galerinë e artit pamor “Nikolet Vasia” i është kushtuar piktorëve të vegjël të shkollave publike dhe jo publike të qytetit bregdetar.

/portali DurresLajm/

Video: 
Na bëni like në facebook!: 

Lajme nga e njëjta kategori

Me rastin e 100-vjetorit të lindjes së kantautorit napoletan, Sergio Bruni është organizuar në amfiteatrin e Durrësit koncerti "Canta Nap

Mëngjesin e sotëm është ndarë nga jeta në moshën 67-vjeçare poeti dhe kineasti i njohur Petrit Ruka.

Kjo është Suela Caka, nxënësja e talentuar 14-vjeçare, që po spikat mes moshatarëve për talentin në pikturë, në punimet me akurel.

Mbrëmjen e së shtunës hapi siparin panairi i librit në Durrës, i cili do të qëndrojë i hapur deri më 8 korrik.

Nga Pol Milo

(Persiatje mbi romanin "Varret" të shkrimtarit Erjon Muça)

Violinistja shqiptare Ervis Gega-Dodi ka marrë drejtimin e Filarmonisë Klasike të Bonit në Gjermani, detyrë e cila i është besuar vetëm p

Orkestra Frymore e Durrësit mbajti ditën e djeshme një koncert festiv me marshe dhe pjesë të zgjedhura nga kompozitorë shqiptarë dhe të h

Fëmijët e Durrësit kanë krijuar një atmosferë të jashtëzakonshme në natën e parë të "Festivalit Kombëtar të Teatrit për Fëmijë" në Berat.

Mbrëmjen e së premtes, shoqata "Durrësi Autokton" organizoi "Festë Deti 2021", e cila startoi me xhiron tradicionale me anije në portin e